كان يا مكان بقديم الزمان بسالف العصر والاوان
كان في فراشة عم تطير بحديقة كلها وردة
وتطير من وردة لوردة وتطير مع الفراشات
والكل كان بيحبها
والكل كان يقول هل فراشة من نوع نادر
مافي منو بالدنيا
هيه بس فراشة وحدة بالدنيا وطبعا لانها فريدة وكانت احلا فراشة
الكل كان يحبها
ويتمنى يوصل لقلبها وبيوم من الايام
بالغلط دخل على الحديقة غراب شاف هل ما شاف ولا فراشة بالحديقة الا هيه
ما لفت انتباهو الا هي فراشة الحلوة وبالفعل كانت هيه احلا فراشة
حتى الغراب حبها صار يطير جنبها الغراب كبير
وطيرانو قوي دايما حوليها من محل لمحل وين ما تروح يجي هو بدو ينزل معها على الوردة من وزنو
واجريه الخشنين ينزل معها تقوم تنخرب الزهرة هو كان يحب يضل معها ولكن المشكلة
انو وين ما راح معها كان يخرب المكان ما خلا ولا زهرة حوليها تروح عليها بس كان يحبها
وكان وقتها حظها ما كويس هل فراشة انو شافها الغراب وبدي رحلة يحبها من بعيد ويحبها من قريب مع انه غراب
لكن حبها بطريقة الفراش فهي فراشة صادقة صدقت انو ممكن تعيش مع الغربان
بس الحقيقة مو هيك حبها كتير هل غراب حتى مرة اجي لعندها وقلها خدي هي قلبي
وهي روحي هيه اخدتون خبتون عندها وحمل حالو وطار ما حكى شي
كان هو ما حاببها تعيش حياة الغربان حبها تعيش فراشة ولكن بعد شو
بعد ما خرب كل الحديقة حوليها ما ضل زهرة تروح عليها وهو بيدون قصد
كان يحب ييبقى معها يقوم يحاول يقعد على الزهرة متلها تقوم تنخرب الزهرة وتموت
وبنفس اليوم الطار فيه الغراب لبعيد هي الفراشة ما عاد تعرف لوين بدها تروح
لانو مافي ولا زهرة تروح عليها وهيه بآخر فترة مو ما ضل ولا زهرة كانت دائما تقعد على جناحاتو
وتطيرمعو ووقت بدها تنزل على الارض كان ينزل يحط جناحو الها مشان تحس انو نزلت على شي طري
مو هو نفسو الخرب الفراشات وبعد ما طار لبعيد ضاعت الفراشة لانو مافي ولا زهرة
ومافي فراشات لكن هو كان يرجع كل يوم يشوفها بالليل وهيه ما تنتبه عليه لانو هو اسود
وبالليل ما تشوفو كان يشوفها الباقي كلو جراح للفراشة بعدين
صار يرجع يطل عليها يطمن عليها يشوف اخبارها وبيوم من الايام اجو صيادين الفراش
سرقوها منو يجي كل يوم على الحديقة ما يشوفها ضل كتير يدور عليها ما خطر على بالو انها انسرقت
وبعديييين روح على محل الصياد لقاها محبوسة هيه محبوسة جوة وهو محبوس برة
نفس الصياد وقت شاف الغراب برا حسبتو بدو يقتل الفراشة ما بيعرف انو بيحبها
جاب البارودة وقوسو ومات الغراب وبقيت الفراشة محبوسة